Boxe pieds-poings

Li larji termine boxe pieds-poings ("boxe pedes-pugnes") signifika in fransum grupe de sportes de kombate kel es praktikat kun pugilisti guantes e in ring (o sur mate). Les apartena al kategorie de sportiv boxe. Li boxeres usa, segun li regulatione, li teknikes de kombate: le teknikes de gambe (kolpes de pede e kolpes de genu), li teknikes de brase (kolpes de pugne e kolpes de elbove) e li teknikes de jetar.

Inter maxim konosat sportes de kombate in li mentionat sense dar es:

li amerikani disiplines (amerikani boxe) sub tri chefi formes:
- full contact karate sin kolpes de pede sub li sinkture,
- kick-boxing kun sirkular kolpes de pede in li femures o amerikani kick-boxing,
- e semikontakte o kombates in li punktes (point fighting), klase de karate kun guantes e pantofles in skume,
fransi boxe (savate), anke apelat Savate-Boxe Française,
kick-boxing japonani: kick-boxing kun direkti kolpes de genu, sirkular kolpes de pede in li femures (low kick), e kun pokum prises de lukte,
du genres de boxe, vor preske tote es permitit, burmani boxe (lethwei) e tailandani boxe (muay thai).

Extri linkes