Klaus Iohannis

Klaus Werner Iohannis – Presidento del Rumania depos 2014. Kane lo did bli elekted e esed kandidate del PNL (Partidul Național Liberal), lo es del germaniani minoranse kel esed majoritarie al komenso del dudekesmi yarsente en lon urbe de Sibiu, Hermannstadt en germanum.

Li urbe es vor li romano-fransiani filosofo Emil Cioran vad al lisee e did lerna germanum... e dunke anke filosofia. En disi tempe li germano-parlantes esed ankore multi.

Li unesmi elektione de Klaus Iohannis did es komunestro de Sibiu en 2000, even si li urbe haved min de 2 por sente de germanoparlantes.

Lo did elekte kum preske 70% del votes, pos tri altri foyes kum 88%, 87% e 78 % chaki quar yares. Pos, lo did elekted presidento dunke.

Lo naskad li dek-tri de junie 1959 a Sibiu.

Lon familie arivad en Transilvania a Cisnădie / Heltau, a dek kilometres de Sibiu al yarsente dek-sis. Lo parla de familie germanum e romanum, e did lerna anglum e fransum.

En 1992 lon patres desidad tu viva en Germania ma lo volid resta en Romania. Lo komensad lon politi vivo al FDGR (Forumul Democratic al Germanilor di România / forume demokrati del germanes de Romania) kel es preske apoliti por ke representa omni tendenses del rumano-germanes.

En 2013 lo aderad al PNL e devenid lon prezidente pokim ante li prezidential elektione.

Lo esed profesoro de fisike en lisee.

Kand lo esed 40 yares oldi, lo did marita Carmen Lăzurcă, profesora de anglum. Les non have pueres.