Konto d'Auvernia Joan Duesmi
Joan Duesmi, Konto d'Auvernia e de Boulogne de 1386 à 1404.
Lo non esed boni marito ni boni patro. Ma on muss dikte ke lo did es envenenati ante tu deveni konto da uni serventa del duko de Berry.
Mediki de nunim dikte ke plumbe esed en lon vine sekundu sintomes. En 1384 lo did perda lon hare e lon fingre-ungles.
Li vine fakted plus mikri lon dolores ma fakted ke lo perdad grandim lon konosimente e lo fakted presentes a amike del vespere, moneie, kasteles e teres.
Lo amad li femas kom omnes - en disi tempe li nobles non maritad per amore.
Brevim, lon marita Alienor de Comminges es malkontenti e departa tu viva che uni kusino a Urgell en Katalonia.
Kand pasa a Orthez la lasa lan filia Joana al konto de Foix e prinso de Bearn Gaston Febus. Li mikra yuna de sink yares non sal plu vida lan matra.
Lan patro deva uni fortune a Gaston Febus e anke lan matra have besonie de moneie. Tum fa ke ambi es d'akorde tu marita li yunita al aje de dek-du yares al duko de Berry kel es plus kam sinkanta-sink yares oldi.
En kontro partie li duko paga li debes del konto Joan Duesmi d'Auvernia e prenda omni lon teres kontro pokim moneie kel permeta al konto tu kontinua lon vivo de sufrajo.
On muss anke dikte ke li duko did terorisa li konto duran jornes e noktes e did fakte lo tu beva ankore vine venenati ! kand li konto d'Armaniac, amiko del konto non puvad enira tu helpa lon amiko kel vendad omni a prises mikri.
Kand li duko de Berry did morid, dudek-tri yares post, Joana rekupera lan teres ma kom la non have filies, la trasmeta li teres e li titles de Kontesa d'Auvernia e de Boulogne a lan kusina Maria de Montgascon kel es li marita del senioro Bertrant quaresmi de La Tour d'Auvergne.
Li posteriori kontos es lesen filios e disendentes.
Bibliografie
modifika- Etienne Baluze "Histoire généalogique de la Maison d'Auvergne" Paris, 1807
- Françoise Lehoux "Jean de France, duc de Berry" éditions du CNRS (Centre National de la Recherche Scientifique)
- Pierre Tucoo-Chala "Gaston Phébus, prince des Pyrénées" éd. Decalion, Pau 1993
- Françoise Autrand "Charles VI" éd. Fayard, 1986