Televisione

Televisione es li komunikatione de movant imajes inter distani lokes per drate- o radio-transmisiones.

Frui television-aparate

In television-difusione, sentralim preparat programes bli transmise a multi individui resiveres.

Disdi klosat television-sistemes deveni sempre plu importanti.

Generalim, suon-signale bli transmise kun li imaj-informatione. Television-kamera bli usa por forma imaje del sene transmisendi, e konverte lum en elektri signales. Li signales bli transmise o per kable (klosat sisteme) o per radio-ondes (elektomagneti radiatione) a li resivere, vor li signale bli rikonstitu kom imaje sur apti skrene, ofte per katod-radies.

In kolore-televisione, li lume kel envada li kamera bli divise en redi, blui e verdi komposientes. In li kolore-resivilo, dis informatione bli usa por direkte tri elektron-radies.

Li unesmi televisione blid demonstra in 1926 in London da John Logie Baird.