Spokil

Spokil es konstruktet lingue kreat da li franso Adolphe Nicolas.

Flage desinat in 2012

Durant li yares 1880, li maxim populari internationali auxiliari lingue esed non-negablim Volapük. Tamen, after kurti periode de imensi sukseso, li rivalitate kun li plu praktikali e min komplikat Esperanto (publisat in 1887) resultad in rapidi diminutione del movemente de Volapük. Multes kel anteu suportad Volapük pasad al kampe de Esperanto, durant ke altres probad al maximum tu plubonisa o reforma Volapük self. Partim pro li obstinati stando de mente de Johann Martin Schleyer, li kreero de Volapük, lum resultad in pluri divisiones in li movemente de Volapük. Kam resulte, numere de "Volapükides" aparid, notablim Idiom Neutral, publisat por li unesmi foye in 1902, e Spokil.

Spokil esed kreat da Adolphe Charles Antoine Marie Nicolas (1833-?), fransi shipmediko fro La Bourboule. Exvolapükisto, lo komensad developa Spokil in 1890 (malgre ke kelki fontes mentione 1887). In 1904, lo publisat libre pri lum: Spokil. Langue internationale. Grammaire, exercises, les deux dictionnaires. In konfero in Paris, aranjat in june 1907, Nicolas haved li oportunitate tu defense lon lingue personalim; inter li altri lingues diskuset in li konfero esed Parla, Bolak (Le Lingua Blau), Idiom Neutral, et Esperanto. In li sami renkontro, Ido esed prisentat por li unesmi foye. Spokil nultem ganat multi suporto, tamen, e disdi es generalim oblivet.

Kam Volapük, Spokil es generalim qualifikat kam a priori/a posteriori hibride. Kelki autores, inklusent Nicolas self, konsidera lum kam purim a priori lingue.

Spesimenes

Manuskrite skriptet da Adolphe Nicolas. Li parte in Spokil dikte: Vinum tio, Mariani mio, Bivos mergai, Stivas megai, Vivas ismai!

Li Nusen Patre:

Mael nio, kui vai o les zeal;

Aepseno lezai tio mita.

Veze lezai tio tsaeleda.

Feleno lezai tio bela,

uti o zeal itu o geol.

Demai da ni itu ebilai da gelenelas nio.

E no apidai ni o fismena.

Stu nibai ni le sfail.

Amen.

Li numeres 1-10:

ba, ge, di, vo, mu, fa, te, ki, po, nu.